Çempionlar Liqasında 1/4 final mərhələsinin cavab oyunlarından sonra həftənin ən yaxşı futbolçusu bəlli olub. Corner.az saytı xəbər verir ki, bu ada “Real”ın yarımmüdafiəçisi Federiko Valverde layiq görülüb.
O, “kral klubu”nun “Çelsi” üzərində 2:0 hesablı qələbənin memarı olub. Valverde UEFA-nın sorğusuna əsasən, “Milan”dan Rafael Leao, “İnter”dən Lautaro Martines və “Mançester Siti”dən Kevin de Bruyneni üstələyib.
Qeyd edək ki, Çempionlar Liqasının yarımfinal mərhələsində “Real” “Mançester Siti” ilə, “Milan” isə “İnter”lə qarşılaşacaq.
