"Barselona”nın gələn mövsüm Çempionlar Liqasında oynayıb-oynamayacağına aydınlıq gəlib. Corner.az xəbər verir ki, Kataloniya təmsilçisi qitənin ən nüfuzlu klub turnirində iştirak edə biləcək.
İspaniya nəhəngi müvafiq lisenziyanı mayın 15-dək əldə edəcək. “Neqreyra işi”nin araşdırılmasının buna təsiri olmayacaq. UEFA Etika və İntizam Komitəsində “klubun yarışdan kənarlaşdırılmasını dəstəkləyə biləcək məlumat” yoxdur.
Bundan əvvəl “Barsa”nın prezidenti Joan Laporta UEFA-nın rəhbəri Aleksander Çeferinlə görüş keçirib.
