“Mançester Siti” “Real”ı nəinki məğlub, hətta onları məhv edəcək”. Corner.az xəbər verir ki, bunu Çempionlar Liqasının yarımfinalı haqda fikirlərini bölüşən hazırda ABŞ-ın "Di Si Yunayted" klubunun çalışdırıcısı Ueyn Runi deyib.
37 yaşlı mütəxəssis “Real” tarixi və təcrübəli komanda olsa da, “Mançester Siti”nin bu il uğur qazanacağına inandığını bildirib:
“Əlbəttə, yanıla bilərəm, amma “Siti” hazırda başqa səviyyədədir. Düzdür, “Real” təcrübəsi və tarixi olan komandadır. Mövsümün əvvəlindən hiss edirdim ki, Qvardiolanın “Mançester Siti” ilə Avropa kubokunu qazanacağı il bu il olacaq. Onun komandasının son aylarda oynadığı futbol və onların lazımi anda necə zirvəyə çatması mən də bu fikri təsdiqlədi”.
Xatırladaq ki, komandalar arasında ilk oyun mayın 9-da keçiriləcək. Cavab matçı mayın 17-nə baş tutacaq.