“Real”ın yarımmüdafiəçisi Eduardo Kamavinqa Çempionlar Liqası tarixinə düşüb. Corner.az xəbər verir ki, o, yarımfinalda məhsuldar ötürmə verən ən gənc futbolçu olub.
20 yaş 180 günlüyündə olan Fransa millisinin üzvü “Mançester Siti” ilə evdə baş tutan ilk qarşılaşmada hesabı açan komanda yoldaşı Vinisyus Juniora assist edib. Bununla o, “Liverpul”un müdafiəçisi Trent Aleksander Arnoldun rekordunu qırıb. İngiltərəli 20 yaş 212 günündə yarımfinalda qol pası verib.
Qeyd edək ki, bu statistika yalnız 2003-04 mövsümündən sonrakı dövrə əsasən hesablanıb.
