Çempionlar Liqasının yarımfinal mərhələsində “Milan”la keçirilən oyun “İnter”in hücumçusu Edin Dzeko üçün əlamətdar olub. Corner.az xəbər verir ki, görüşdə hesabı açan bosniya və herseqovinalı forvard 30 yaşdan sonra bu turnirdə 20-ci qolunu vurub.
Dzeko 30 yaşı keçdikdən sonra qitənin ən nüfuzlu klub turnirində bunu nail olan 7-ci oyunçu olub. Ulduz oyunçuya qədər Kriştiano Ronaldo, Lionel Messi, Robert Levandovski, Kərim Benzema, Zlatan İbrahimoviç və Didye Droqba bunu bacarmışdı
Qeyd edək ki, “İnter” səfərdə “Milan”ı 2:0 hesabı ilə məğlub edib. Dzeko bu mövsüm “neradzurra”nın heyətində 47 oyunda 14 qol vurub, 5 məhsuldar ötürmə verib.
