“İnter”in hücumçusu Edin Dzeko Çempionlar Liqasının yarımfinal mərhələsinin ilk oyununda “Milan” üzərində qazanılan 2:0 hesablı qələbəni şərh edib. Corner.az xəbər verir ki, 37 yaşlı forvard düzgün hazırlaşmalarının öz bəhrəsini verdiyini bildirib :
“Çempionlar Liqasının yarımfinalında əla derbi oldu. Yaxşı hazırlaşdıq, sona qədər konsentrasiyamızı qoruduq və bu, öz bəhrəsini verdi. Hamı bilir ki, mən ancaq komanda üçün oynayıram. Bəzən qol vurmaq mümkün olmur, amma təkcə qol vurmaq üçün deyil, başqa oyunçulara fayda vermək üçün də çalışıram. Düşünürəm ki, bu matçda üzərimə düşməli olan işləri gördüm”.
Qeyd edək ki, Edin Dzeko 2021-ci ildən “İnter”in formasını geyinir.
