Kevin De Bruyne'nin qışqırmasından danışdı

"De Bruyne məşqdə mənə çox qışqırır və bundan xoşum gəlir".

Corner.az-ın məlumatına görə, bunu İngiltərə "Mançester Siti"sinin baş məşqçisi Pep Qvardiola evdə İspaniya "Real Madrid"inə 4:0 hesabı ilə qalib gəldikləri UEFA Çempionlar Liqasının yarımfinal mərhələsinin cavab oyunu zamanı belçikalı Kevin De Bruyne ilə arasında yaşanan xoşagəlməz hadisə barədə "Sky Sports"a açıqlamasında deyib.

İspaniyalı mütəxəssis bildirib ki, bu hadisə ilk dəfə baş vermir: "Siz onun məşqlərdə mənə nə qədər qışqırdığını görməmisiniz. Ümumiyyətlə, aramızdakı bu cür münasibəti xoşlayıram. Bu, bizə enerji verir. Nəticədə Kevin daha yaxşı oynayır".

Qeyd edək ki, Kevin De Bruyne "Real"la qarşılaşmada Xosep Qvardiolanı təhqir edib.