“Çətin oyun olacaq”.
Corner.az xəbər verir ki, bunu “İnter”in müdafiəçisi Alessandro Bastoni deyib.
İtaliyalı futbolçu “Mançester Siti” ilə Çempionlar Liqasının final oyunundan gözləntilərini bölüşüb. Onun sözlərinə görə, belə bir oyuna çıxdıqları üçün özünü xoşbəxt sayır.
“Belə bir görüşdə oynamaq imkanımız var. Mən oğrulardan, qatillərdən qorxuram, amma öz yaşımda olan oğlanlardan yox. Meydana çıxıb bacardığımız kimi oynamalıyıq. “Siti”nin favorit olması normaldır. Bizim rəqibdən qorxmuruq. “Mançester Siti” təkcə Erlinq Haland deyil. Heyətlərində bizə problem yarada biləcək çoxlu futbolçu var” – deyə, Bastoni bildirib.
Qeyd edək ki, Çempionlar Liqasının finalı sabah İstanbulda, Atatürk Olimpiya Stadionunda baş tutacaq. Oyun Bakı vaxtı ilə saat 23:00-da başlayacaq.
