"Mançester Siti"nin baş məşqçisi Pep Qvardiola İstanbula Çempionlar Liqasını qazanmaq üçün gəldiklərini və mövsümü bu kubokla başa vurmağın onlar üçün çox vacib olduğunu bildirib.
Corner.az Türkiyə mediasına istinadən xəbər verir ki, Qvardiola sabah UEFA Çempionlar Liqasının finalında "İnter"lə qarşılaşacaqları İstanbul Atatürk Olimpiya Stadionunda futbolçuları Kevin De Bruyne və Ruben Dias ilə mətbuat konfransı keçirib.
İtaliya komandalarına qarşı müdafiə olunmağın çox çətin olduğuna diqqət çəkən məşqçi "7 və 10 nömrəli oyunçular topu tutmaqda çox müvəffəqiyyətli olurlar. Hücumda da çox kömək edirlər. Mümkün qədər yaxşı müdafiə etməyə çalışacağıq". Fikirlərini səsləndirib.
İki hücumçusu olan bir komandaya qarşı oynayacaqlarını xatırladan Qvardiola "Əlbəttə ki, iki hücumçu ilə oynayanda və ya 5-4-1 aranjmanında oynayanda fərqli ssenarilər olur. Onların hücumçularla etdikləri heyrətamizdir. Hücum oyunçuları ilə əlaqələri, ötürmə mübadiləsi çox təsir edicidir. Biz müdafiə olunmalıyıq" - deyə bildirib.
