Çempionlar Liqasının ən yaxşı oyunçuları seçildilər

Çempionlar Liqasında 2022-2023 mövsümünün ən yaxşı oyunçusu bəlli olub.

Corner.az UEFA-nın rəsmi saytına istinadən xəbər verir ki, azarkeşlər arasında keçirilən səsəverməyə əsasən turnirin qalibi olan "Mançester Siti"nin futbolçusu Rodri turnirin ən yaxşısı seçilib.

Mövsümün ən yaxşı gənc oyunçusu adına isə "Napoli"nin gürcüstanlı yarımmüdafiəçisi Kviça Kvaratsxeliya layiq görülüb.

Qeyd edək ki, ispaniyalı yarımmüdafiəçi Rodri bu mövsüm ÇL-də 12 oyuna çıxıb və 2 qol vurub. 22 yaşlı Kvaratsxeliya isə ÇL-də bu mövsüm 9 oyuna 2 qol vurub, 4 qol ötürməsi edib.