Çempionlar Liqasının finalında İtaliya "İnter"ini məğlub edərək tarixində ilk dəfə kuboka sahibi olması "Mançester Siti”nin hücumçusu Xulian Alvares üçün əlamətdar olub.
Corner.az xəbər verir ki, 22 yaşlı futbolçu Libertadores Kubokunu, Dünya Kubokunu və Çempionlar Liqasını qazanan ilk argentinalı ünvanını qazanıb.
Alvaresə qədər bunu yalnız dörd oyunçu bacarmışdı. Onların hamısı braziliyalıdır. Belə ki, “Milan”ın keçmiş futbolçuları Dida, Kafu, “Palmeyras”ın keçmiş müdafiəçisi Roke Junior və “Qremio”, PSJ və “Barselona”nın keçmiş yarımmüdafiəçisi Ronaldinyo qazanıb.
