Pep Qvardiola rekorda yaxınlaşır

“Mançester Siti”nin baş məşqçisi Pep Qvardiola Çempionlar Liqasında (ÇL) məğlubiyyətsizlik seriyasını davam etdirir. 90deqiqe.az xəbər verir ki, ispan mütəxəssisin komandası qrup mərhələsinin IV turnda “Yanq Boyz”u 3 cavabsız qolla məğlub edib.

Təcrübəli çalışdırıcı turnirdə artıq 17 görüşdür məğlub olmur. Onun seriyası ötən ilin sentyabrında başlayıb. Yalnız 3 çalışdırıcı Çempionlar Liqasında daha uzun məğlubiyyətsiz seriya nümayiş etdirib - Lui van Qal, Ottmar Hitsfeld (19 oyun) və Aleks Ferqyuson (25).

Qeyd edək ki, “Mançester Siti” sona iki tur qalmış 1/8 finala vəsiqəni rəsmiləşdirib.