12 ilin ən uğursuz göstəricisi

“Barselona”nın hücumçusu Robert Levandovski 2011-ci ildən bəri ən uğursuz dönəmini yaşayır. 90deqiqe.az xəbər verir ki, polşalı oyunçu Kataloniya klubunun heyətində ardıcıl 6 oyundur qola vura bilmir.

Bu, 35 yaşlı oyunçunun son 12 ildə ən uğursuz qol seriyasıdır. Leva ötən ilin yayında “Bavariya”dan “Barselona”ya keçib. O, 2022-23 mövsümündə bütün turnirlərdə 44 oyunda 33 qol vurub, 8 məhsuldar ötürmə verib.

Futbolçunun hazırkı klubu ilə müqaviləsi 2026-cı ilin yayına kimi qüvvədədi.

Qeyd edək ki, “Barselona” son olaraq Çempionlar Liqasının H qrupunun IV turunda Donetsk “Şaxtyor”una 0:1 hesabı ilə məğlub olub.