“Bavariya” Musialanı itirdi

“Bavariya”nın yarımmüdafiəçisi Camal Musiala Çempionlar Liqasının qrup mərhələsinin IV turunda “Qalatasaray”la keçirilən oyunda sıradan çıxıb. 90deqiqe.az xəbər verir ki, 20 yaşlı oyunçu komandasının 2:1 hesablı qələbə qazandığı görüşün 40-cı dəqiqəsində zədələnib.

Alman oyunçunu Tomas Müller əvəzləyib. Müayinə zamanı 20 yaşlı futbolçunun diz əzələlərində zədə aşkarlanıb. Onun təxminən 2-4 həftə yaşıl meydanlardan uzaq qalacağı açıqlanıb.

Qeyd edək ki, Camal Musiala bu mövsüm “Bavariya”nın heyətində bütün turnirlərdə 14 oyunda 4 qol vurub, 3 assist edib.