ÇL: 1/8 finalın püşkatma vaxtı dəqiqləşdi

Çempionlar Liqasının (ÇL) 1/8 final mərhələsinin püşkatma mərasiminin vaxtı dəqiqləşib.

90deqiqe.az xəbər verir ki, tədbir dekabrın 18-də UEFA-nın mənzil-qərargahında keçiriləcək. Tədbirin vaxtı daha sonra açıqlanacaq.

ÇL-də qrup mərhələsinə dekabrın 13-də yekun vurulacaq. Pley-offa isə gələn il fevralın 13-də start veriləcək. Pley-offun ilk matçları 13-14 fevral, 20-21 fevralda, cavab qarşılaşmaları isə 5-6 mart, 12-13 mart tarixlərində olacaq.

Turnirin finalı iyunun 1-də Londondakı (İngiltərə) “Uembli” stadionunda reallaşacaq. Cari mövsüm sonuncu dəfə hazırkı formatda keçiriləcək.