Halanddan Çempionlar Liqasında yeni rekord

İngiltərə "Mançester Siti"sinin hücumçusu Erlinq Haland yeni rekorda imza atıb.

90deqiqe.az ESPN-ə istinadən xəbər verir ki, norveçli futbolçu buna qrup mərhələsinin 5-ci turu çərçivəsində evdə “Leyptsiq”ə 3:2 hesabı ilə qalib gəldikləri matçda nail olub.

Bu qarşılaşmada fərqlənən forvard qitənin bir nömrəli klub turnirində meydana çıxdığı 35 görüşdə 40 dəfə fərqlənən ilk oyunçu kimi tarixə düşüb. 

Haland həm də Fransanın PSJ-nin forvardı Kilian Mbappenin də rekordunu qıraraq Çempionlar Liqasında 40 qol vuran ən gənc oyunçu (23 yaş, 10 gün) adını da qazanıb.

Qeyd edək ki, Erlinq Holann cari mövsüm bütün turnirlərdə 20 matçda meydanda olub, 19 qol və 4 məhsuldar ötürmə ilə yadda qalıb.