“Barselona” Çempionlar Liqasından qovulur?

“Barselona” Avropa Futbol Assosiasiyasının maliyyə qaydalarını pozduğuna görə Çempionlar Liqasından kənarlaşdırıla bilər.

90deqiqe.az xəbər verir ki, bu barədə “Die Welt” məlumat yayıb.

Buna səbəb UEFA-nın maliyyə reqlamentinin pozulmasıdır. Hər dəfə son üç illik dövr qiymətləndirilir.

Klubun son illik hesabatında digər idman növlərindən olduğu kimi, gələcək televiziya və marketinq hüquqlarının satışından əldə olunan yüz milyonlarla avro gəliri də sənədləşdirdiyi bildirilir. Lakin bunlar UEFA-nın qiymətləndirməsinə təsir göstərmir. UEFA yayda artıq “Barselona”nı 500 min avro cərimə etmişdi.