Kriştiano Ronaldo ÇL-dəki favoritlərini açıqladı

“Əl-Nəsr” klubunun hücumçusu Kriştiano Ronaldo 2023/2024 Çempionlar Liqasının qalibi olmaq üçün hansı klubların daha çox şansa malik olduğunu açıqlayıb.

90deqiqe.az xəbər verir ki, portuqaliyalı oyunçu bu mövsüm də "Mançester Siti"nin Çempionar Liqasını qazanma şansına sahib olduğunu bildirib.

“Mançester Siti"yenidən Çempionlar Liqasını qazanmaq şansına malikdir. Favoritlər? "Mançester Siti", "Real" və "Bavariya"nın adını çəkə bilərəm".

Xatırladaq ki, kubokun hazırkı sahibi İngiltərənin “Mançester Siti” komandasıdır. 2022/2023 mövsümünün Çempionlar Liqasının finalında “şəhərlilər” İtaliya “İnter”inə 1:0 hesabı ilə qalib gəlib.

Hazırkı Çempionlar Liqasının 1/8 final mərhələsində “Mançester Siti” Danimarka “Kopenhagen”i ilə qarşılaşacaq. "Real Madrid" Almaniyanın "RB Leipzig" klubu ilə, "Bavariya" isə "Latsio" ilə qarşılaşacaq.

Əlavə edək ki, Qvardiolanın yetirmələri ötən mövsüm ÇL-nın qalibi olmuşdu.