Mbappedən yeni rekord

PSJ-nin hücumçusu Kilian Mbappenin Çempionlar Liqasının 1/8 final mərhələsinin "Real Sosyedad"la ilk oyununda (2:0)  unikal rekorda imza atıb.

90deqiqe.Az-ın “Opta Sport”a istinadən məlumatına görə, fransalı forvard turnir tarixində start heyətində meydana çıxdığı ardıcıl 10 ev oyununda ən azı bir qol vuran ilk futbolçu olub.

Qeyd edək ki, “Real Sosyedad”a qalibiyyət qolu 25 yaşlı hücumçunun Çempionlar Liqasında 68 matçda 44-cü qolu olub. 26 yaşa qədər turnirdə yalnız Lionel Messi daha çox qol vurub - 59 qol.

Bu mövsüm Kilian Mbappe klub üçün bütün yarışlarda 30 matçda iştirak edib, bu oyunda 31 qol vurub və 7 məhsuldar ötürmə edib. Transfermarkt internet portalının məlumatına görə, hücumçunun təxmini dəyəri 180 milyon avrodur.