Mourinyonun "Real"la bağlı arzusu

Portuqaliyalı baş məşqçi Joze Mourinyo bu ilki Çempionlar Liqasında "Real Madrid"in qalib olmasını arzuladığını etiraf edib.

90deqiqe.Az xəbər verir ki, təcrübəli çalışdırıcı "kral klubu"nun yenidən bu titula yiyələnməsini çox istədiyini bildirib.

"Real Madrid"in Çempionlar Liqasını yenidən qazanmasını istərdim. O cümlədən Karlo üçün (Ançelotti. - Çempionatdan qeyd). Bilmirəm, "Bavariya" da bunu edə bilər, PSJ də bunu edə bilər" deyə Mourinyo "Caught Offside"dan sitat gətirib.

Xatırladaq ki, bu ilin yanvarında İtaliyanın “Roma” klubu Joze Mourinyonu komandanın baş məşqçisi postundan uzaqlaşdırdığını açıqlamışdı. Portuqaliyalı 2021-ci ildən İtaliya klubuna rəhbərlik edir. Mourinyo bundan əvvəl “Tottenhem”, “Mançester Yunayted”, “Çelsi”, “Real Madrid”, “İnter”, “Portu”, “Leiriya” və “Benfika”nı da çalışdırıb. Qeyd edək ki, Çempionlar Liqasının 2023/2024 mövsümünün 1/8 final mərhələsinin ilk oyununda "Real" "RB Leypsiq"ə 1:0 hesabı ilə qalib gəlib.