Albaniyanın “Partizani” klubunun baş məşqçisi Franko Lerda UEFA Çempionlar Liqasının 1-ci təsnifat mərhələsi çərçivəsində “Qarabağ”la qarşılaşacaqları oyundan əvvəl mətbuat konfransı keçirib.
Corner.az xəbər verir ki, 51 yaşlı mütəxəssis jurnalistlərin suallarını cavablandırıb:
- “Partizani”nin penalti seriyalarına hazırlandığı iddia olunur…
- Bəli, oyunun gedişatına baxır. Biz bunu dərk edirik, oyun uzatmalara getsə, penaltilər də ola bilər və buna hazırlaşmışıq.
- Ümidiniz tək buna bağlıdırmı?
- Biz bura turist kimi gəlməmişik. Gücümüzü ortaya qoyub, yaxşı nəticə almağa çalışacağıq.
- Futbolçularınız açıqlamalarında inamlı danışır. Bu, rəqib üzərində təzyiq yaratmaq üçündürmü?
- Əmin deyilik ki, rəqib sabah qalib gələcək. Ancaq “Qarabağ” elə komandadır ki, bizdən qat-qat üstün büdcəyə sahibdir. Futbolda hər şey mümkündür.
- “Qarabağ” haqda ümumi düşüncələriniz nədir?
- Rəqib haqda bildiklərim, ilk oyundan sonra təsdiqləndi. Birə-bir mübarizələrdə güclü futbolçuları var. İlk oyunla düşündüklərim və gördüklərim təsdiqləndi.
