"Hər komanda da qazandığım titulun fərqlidir"

"Mançester Siti"nin baş məşqçisi Pep Qvardiola İngiltərə klubu ilə Çempionlar Liqasını qazanmağın İspaniya "Barselona"sı ilə müqayisədə daha böyük nailiyyət olub-olmadığı sualına cavab verib.

90deqiqe.Az xəbər verir ki, ispan çalışdırıcı, hər komanda da qazandığı titulun fərqli olduğunu bildirib.

"Xeyr, mən bunu deməzdim, əks halda "Barselona"da əldə etdiklərimizə xələl gətirərdim."Bu mükafat əvvəlkilərdən yaxşıdır” demirəm. Hər an ayrı bir andır. Düşünürəm ki, “Barselona”da və ya “Bavariya”da olarkən qazandığın hər çempionluq fərqlidir. Bu verilmiş deyil. Atdığın hər addım çox çətindir və sən lazımi anda orada olmalısan”

Xatırladaq ki, Qvardiola “Barselona” ilə iki dəfə (2008/2009 və 2010/2011 mövsümlərində) Çempionlar Liqasının qalibi olub. Ötən mövsüm ispaniyalı mütəxəssis “Mançester Siti”yə tarixdə turnirdə ilk qələbəsini qazandırıb.