"Real" həmişə Çempionlar Liqasının favoritidir"

"Real Madrid"in yarımmüdafiəçisi Eduardo Kamavinqa İspaniya La Liqası ilə UEFA Çempionlar Liqası arasındakı fərqdən danışıb.

90deqiqe.Az xəbər verir ki,  fransız futbolçu  Çempionlar liqasının səviyyəsinin yüksək olduğunu bildirib.

"Çempionlar Liqası tamamilə fərqli bir turnirdir. Hər kəs bu turniri qazanmaq istəyir. Həm də La Liqadan çox qısadır. Səviyyə də yüksəkdir. "Real" həmişə bu turnirin favoritidir"

“Real” sonuncu dəfə iki il əvvəl Çempionlar Liqasının qalibi olub. Daha sonra həlledici görüşdə "Liverpul"a 1:0 hesabı ilə qalib gəlib.

Cari Çempionlar Liqasının 1/8 final mərhələsinin "Real Madrid" və "Leyptsiq" arasında cavab oyunu çərşənbə günü, martın 6-da keçiriləcək. Qarşılaşma Moskva vaxtı ilə saat 23:00-da başlayacaq. Komandalar Madriddəki "Santyaqo Bernabeu" stadionunda qarşılaşacaqlar. İlk görüşdə "Real" səfərdə rəqibini 1:0 hesabı ilə məğlub edib.