"Biz yaxşı çıxış etdik" - Sarri

İtaliyanın “Latsio” klubunun baş məşqçisi Mauritsio Sarri Çempionlar Liqasının 1/8 final mərhələsinin “Bavariya” ilə cavab oyununda (0:3) məğlubiyyətdən danışıb.

90deqiqe.Az xəbər verir ki, təcrübəli çalışdırıcı komandasının yaxşı çıxış etdiyini bildirib.

“İkinci qoldan sonra daha bir matç başladı. İlk hissə yaxşı səviyyədə keçdi və bu gün “Bavariya" hamımızın tanıdığı komanda idi. Komandam əllərindən gələni etdilər və biz yaxşı çıxış etdik.İkinci qola görə biz paltardəyişmə otağına əsəbləşdik və demək olar ki, hər şeyin düzələcəyinə inanmadan meydana qayıtdıq”

Alman klubunun heyətində hücumçular Harri Keyn (iki dəfə) və Tomas Müller fərqlənib. Xatırladaq ki, 1/8 final mərhələsinin ilk görüşü "Latsio"nun minimal hesablı 1:0 hesablı qələbəsi ilə başa çatıb.

65 yaşlı Mauritsio Sarri 2021-ci ilin iyunundan “Latsio”ya rəhbərlik edir. Daha əvvəl klubun baş məşqçini istefaya göndərmək imkanını nəzərdən keçirdiyi bildirilirdi.