Oblak "İnter" üzərində qələbədən danışdı

"Atletiko Madrid"in qapıçısı Yan Oblak UEFA Çempionlar Liqasının 1/8 final mərhələsinin cavab matçında "İnter" üzərində qələbədən danışıb.

90deqiqe.Az  xəbər verir ki, 31 yaşlı qolkiper komandanı növbəti mərhələyə adlatmaqda pay sahibi olduğu üçün xoşbəxt olduğunu bildirib.

“Penaltilər seriyasında bəzi bəxtlər var, çünki qapıçı kimi sən zərbədən sonra topun hara gedəcəyini təxmin etməlisən. Onu vurmaq lazımdır, amma rəqibin onu mükəmməl vursa, topu geri qaytarmaq mümkün olmayacaq. Şadam ki, komandanı iki dəfə xilas edə bildim. Ən əsası qələbə və 1/4 finala yüksəlməkdir”

Cavab görüşündə "Atletiko" 2:1 hesabı ilə qalib gəlib. Penaltilər seriyasında “matrasçılar” daha dəqiq olub – 3:2.