Anri italyan məşqçini dahi adlandırıb

Fransa millisinin və "Arsenal"ın sabiq futbolçusu Tyerri Anri "İnter"in baş məşqçisi Simone İnzaqinin işi ilə bağlı fikirlərini bölüşüb.

90deqiqe.Az xəbər verir ki, 46 yaşlı veteran futbolçu italyan çalışdırıcının dahi olduğunu bildirib.

“Mən heç vaxt mərkəz müdafiəçisinin mərkəz müdafiəçisinə ötürməsini görməmişəm və onlar bunu keçən həftə sonu etdilər. Mən əvvəllər belə bir şey görməmişdim. Inzaghi, şübhəsiz ki, dahidir."

Xatırladaq ki, İtaliya çempionatının turnir cədvəlinə böyük fərqlə “İnter” başçılıq edir. Komanda 1/8 final mərhələsində mübarizədən kənarlaşdırılaraq Çempionlar Liqasında uğursuzluğa düçar oldu. Neradzurrilər "Atletiko Madrid"ə ümumi hesabda uduzub (1:0, 1:2, penaltilərdə 2:3).