- Çempionlar liqası
- 10:26 07.09.2024
Argentina millisinin sabiq hücumçusu Serxio Aquero Çempionlar Liqasının 1/4 finalında "Real Madrid"lə "Mançester Siti"nin qarşıdurması ilə bağlı açıqlama verib.
90deqiqe.Az-ın məlumatına görə, o, bu dəfə də "şəhərlilər"in mərhələ adlamasını istədiyini bildirib.
“Bu matçı görmək üçün səbirsizlənirəm! Bu, Çempionlar Liqasının “superklasiko”su oldu. Belə görüş üçün 1/4 final bir az tezdir, amma siz nə edə bilərsiniz? İki əsas iddiaçı, onlardan biri mübarizədən kənarlaşdırılacaq. Bu matçlarda hər şey ola bilər, biz bunu artıq görmüşük.
Meydanda müasir futbolun çoxlu ulduzları, eləcə də dünyanın ən güclü iki məşqçisi olacaq. Keçən il olduğu kimi, mən istərdim ki, “Mançester Siti” irəliləsin”
Xatırladaq ki, “Real Madrid”lə “Mançester Siti” arasında ilk oyun aprelin 9-da Madriddə, cavab oyunu aprelin 17-də Mançesterdə baş tutacaq.
Çempionlar Liqasının ötən mövsümündə “Mançester Siti” turnirin yarımfinalında “Real Madrid”ə ümumi 5:1 hesabı ilə qalib gəlib. 2021/2022 mövsümündə Los Blankos yarımfinalda Citizens-i ümumi 6:5 hesabı ilə məğlub etdi.