Gündoğan “Mançester Siti”ni seçdi

"Barselona"nın yarımmüdafiəçisi İlkay Gündoğan Çempionlar Liqasının finalına yüksələcəyi təqdirdə, həlledici matçda qarşılaşmaq istədiyi klubun adını açıqlayıb.

90deqiqe.Az "Diario Spor"a istinadən xəbər verir ki, 33 yaşlı futolçu finalda sabiq komandası "Mançester Siti" ilə oynamaq istədiyini bildirib.

"Finalda “Mançester Siti” ilə oynamaq arzusundayam? Əlbəttə! Biz birinci olaraq “Barselona” ilə finala çıxmaq istəyirik və rəqib kimi kiminlə qarşılaşmağın fərqi yoxdur. Amma bəli, “Siti” qeyri-adi komandadır, mənə elə gəlir ki, onların finala çıxmaq üçün ən yaxşı şansları var”

Xatırladaq ki, “Barselona” Çempionlar Liqasının 1/4 finalında PSJ ilə qarşılaşacaq. “Mançester Siti”nin rəqibi “Real Madrid”dir. Yarımmüdafiəçi 2023-cü ilin yayından "Barselona"ya məxsusdur. Bu mövsüm oyunçu bütün turnirlərdə 43 oyun keçirib, o, tərəfdaşları üçün 5 qol vurub və 10 məhsuldar ötürmə edib.