"Bavariya" "Arsenal"a qarşı ilk oyunda məğlub olarsa ...

"Arsenal" ilə Çempionlar Liqasının 1/4 final matçı Tomas Tuxelin "Bavariya"nın baş məşqçisi kimi sonuncu oyunu ola bilər.

90deqiqe.Az “Bild”ə istinadən məlumatına görə, Münhen rəhbərliyi Londonda keçiriləcək ilk oyunda məğlubiyyət və zəif çıxış halında mütəxəssisi qova bilər. Beləliklə, “Bavariya” psixoloji sarsıntı verməyi və komandaya cavab oyununa təzə güclə yanaşmağı planlaşdırır. Düzdür, belə bir ssenari o zaman baş verəcək ki, “Bavariya” nəinki uduzsa, həm də “Emirates”də pis futbol nümayiş etdirəcək.

Xatırladaq ki, Tuxel onsuz da mövsümün sonunda “Bavariya”dan ayrılacaq. Klub ona təxminən 12 milyon avro təzminat ödəyəcək.