Enrike Mbappe haqqında danışmaqdan imtina etdi

PSJ-nin baş məşqçisi Luis Enrike hücumçu Kilian Mbappe ilə bağlı suala cavab verməkdən imtina edib.

90deqiqe.Az xəbər verir ki, ispan çalışdırıcı yalnız fransız forvard haqqında deyil, bütövlükdə komanda haqqında danışmaq istədiyini bildirib.

“Mbappe? Siz mənə bir oyunçu haqqında sual verirsiniz, mən isə komanda haqqında danışmaq istəyirəm. Vəziyyətimiz yaxşıdır, əhvalımız yaxşıdır. Komanda üçün çox yaxşı vaxtda Çempionlar Liqasının 1/4 finalına yaxınlaşırıq”

Aprelin 10-da PSJ Çempionlar Liqasının 1/4 final mərhələsinin ilk oyununu "Barselona" ilə keçirəcək. Mbappe 2018-ci ildən parislilərin heyətində çıxış edir. Onun klubla müqaviləsi 2024-cü ilə qədərdir. Bu mövsüm fransalı hücumçu 40 matçda iştirak edib, 39 qol vurub və 9 məhsuldar ötürmə edib.