PSJ 2024-cü ildə ilk məğlubiyyətini aldı

Çempionlar Liqasının 1/4 final mərhələsinin ilk oyununda PSJ evdə “Barselona”ya uduzub. (2:3)

90deqiqe.Az xəbər verir ki, bununla da parislilər 2024-cü il təqvim ilində ilk dəfə məğlubiyyətə üzülüblər.

2024-cü ilin əvvəlindən PSJ 19 oyun keçirib ki, bunun da 14-də qalib gəlib.“Barselona” ilə matç Fransa yığması üçün bu il 20-ci olub.

Fransa çempionatında PSJ 28 matçda 63 xal toplayıb və turnir cədvəlində birinci yerdədir. Paris klubu titulunu qorumağa yaxındır: Liqa 1-in bitməsinə 6 tur qalmış parislilər ən yaxın izləyicisi "Brest"dən 10 xal öndədir. Mövsümün sonunda PSJ-ni də Fransa kubokunun final matçı gözləyir və komanda mayın 25-də “Lion”la qarşılaşacaq.

Çempionlar Liqasının 1/8 finalında PSJ "Real Sosyedad"ı iki görüşdə (2:0, 2:1) məğlub edib. “Barselona” ilə cavab oyunu aprelin 16-da keçiriləcək.