"PSJ ilə matç karyeramın ən vacib oyunudur"

"Barselona"nın yarımmüdafiəçisi Pedri Çempionlar Liqasının 1/4 finalında PSJ ilə cavab qarşılaşması ilə bağlı gözləntilərini bölüşüb. 

90deqiqe.Az-ın məlumatına görə, ispan futbolçu bu görüşün karyerası üçün ən vacib oyun olacağını bildirib.

 “Ola bilsin ki, PSJ ilə matç karyeramın ən vacib oyunudur. Mən bunu ancaq Avropa çempionatının İtaliyaya qarşı yarımfinal oyunu ilə müqayisə edə bilərəm. Bu cür matçlarda iştirak edəcəyimə çoxdan ümid edirdim”

Xatırladaq ki, Parisdə keçirilən ilk oyunda yarımmüdafiəçi ehtiyat oyunçular skamyasından meydana çıxıb və bir məhsuldar ötürmə edib."Barselona" səfərdə PSJ-ni 3:2 hesabı ilə məğlub edərək cavab oyununda liderliyi təmin edib.

Bu mövsüm ispaniyalı çempionatda iki qol vurub və iki məhsuldar ötürmə edib.