Kan Tuxelin Münhendə uğur qazanmamasının səbəbini açıqlayıb

Keçmiş qapıçı və "Bavariya"nın idarə heyətinin keçmiş sədri Oliver Kan Tomas Tuxelin Münhen komandasının baş məşqçisi kimi özünü layiqincə sübut edə bilməməsinin səbəbini açıqlayıb. 

90deqiqe.Az-ın məlumatına görə, 54 yaşlı sabiq futbolçu alman çalışdırıcının "Bavariya"dakı çətinliklərin öhdəsindən gələ bilmədiyini bildirib.

“Parisdə ulduzlarla dolu komandanı Çempionlar Liqasının finalına çıxaran və “Çelsi” ilə Çempionlar Liqasını qazanan Avropanın ən həyəcanlı məşqçilərindən birinin Münhendə bu qədər çətinliklərin öhdəsindən gəlməli olması çox şey deyir.

"Bayer" Bundesliqada əla mövsüm keçirdi. Onlar inanılmaz məğlubiyyətsizlik seriyasındadırlar. Bunun nə vaxtsa "Bavariya" üçün öz təsirini göstərməsi qaçılmaz idi, amma etiraf etməliyik ki, Leverkuzen əsrin mövsümünü yaşayır. Bu, bir anda "Bavariya"nı taxtdan salmağın yeganə yolu idi. Çempionlar Liqasında hər şey fərqlidir”

Xatırladaq ki, Tuxel bu mövsümün sonunda Almaniya klubunu tərk edəcək.