- Çempionlar liqası
- 10:26 07.09.2024
Çempionlar Liqasının 1/4 final mərhələsinin cavab oyunları başa çatıb.
90deqiqe.Az-ın məlumatına görə, Almaniyanın “Bavariya” klubu “Allianz Arena”da İngiltərənin “Arsenal” klubunu qəbul edib. Matçı Denni Makkelinin (Hollandiya) rəhbərlik etdiyi hakimlər briqadası idarə edib. Görüşdə meydan sahibləri 1:0 (ümumilikdə 3:2) hesabı ilə qalib gəlib.
Aprelin 9-da Çempionlar Liqasının 1/4 final mərhələsinin ilk oyununda komandalar 2:2 hesabı ilə bərabərə qalıblar. "Arsenal"ın qollarını Bukayo Saka və Leandro Trossard vurub. "Bavariya"nın qollarını Serj Qnabri və Harri Keyn vurub.
Digər görüşdə "Mançester Siti" doğma meydanda "Real Madrid"i qəbul edib. Görüşün əsas vaxtı 1:1 hesabı ilə başa çatdığından əlavə vaxta ehtiyac duyulub. Əlavə vaxtda tərəflər fərqlənə bilməyib və qalib penaltilər seriyasında müəyyənləşib. Burda daha dəqiq olan "Real Madrid" klubu (ümumilikdə 4:3) yarımfinalda "Bavariya"nın rəqibi olub.
Beləliklə, yarımfinalda "Borussiya Dortmund" - PSJ və "Bavariya" - "Real Madrid" komandaları üz-üzə gələcək.
Yarımfinal oyunları 30 aprel-1 may və 7-8 may tarixlərində keçiriləcək.