- Çempionlar liqası
- 10:29 22.10.2024
Almaniyanın “Bavariya” və İngiltərənin “Arsenal” klubları arasında Çempionlar Liqasının 1/4 final mərhələsinin cavab oyunu başa çatıb.
90deqiqe.Az-ın məlumatına görə, adıçəkilən komandalar Münhendəki (Almaniya) “Allianz Arena”da qarşılaşıblar. Matçı Denni Makkelinin (Hollandiya) rəhbərlik etdiyi hakimlər briqadası idarə edib. Görüşdə meydan sahibləri 1:0 (ümumilikdə 3:2) hesabı ilə qalib gəlib. Belə ki, London klubu 2015-ci ildən Münhenə qalib gələ bilmir.
“Arsenal” sonuncu dəfə 2015/2016 Çempionlar Liqasının qrup mərhələsində 20 noyabr 2015-ci ildə “Bavariya”nı məğlub edib. Daha sonra qarşılaşma 2:0 hesabı ilə başa çatıb. Qolları Olivye Jiru və Məsut Özil vurub.
Aprelin 9-da Çempionlar Liqasının 1/4 final mərhələsinin ilk oyununda komandalar 2:2 hesabı ilə bərabərə qalıblar. "Arsenal"ın qollarını Bukayo Saka və Leandro Trossard vurub. "Bavariya"nın qollarını Serj Qnabri və Harri Keyn vurub.
İki oyunun nəticəsinə əsasən, "Bavariya" Çempionlar Liqasının 1/2 finalına yüksəlir və burada "Mançester Siti" - "Real Madrid" cütlüyünün qalibi ilə qarşılaşacaq.