- Çempionlar liqası
- 12:20 09.05.2024
"Barselona"nın sağ cinah müdafiəçisi Joao Kanselo Çempionlar Liqasının 1/4 final mərhələsinin PSJ ilə cavab oyunundan (1:4) sonra çoxlu təhdidlər almağa başlayıb.
90deqiqe.Az-ın məlumatına görə, buna səbəb portuqaliyalı futbbolçunun sözügedən oyunda "mavi qranat"lara qarşı pozuntusundan sonra penalti təyin olunması olub.
“Sosial şəbəkələrimdə bətnindəki qızımın ölümünü arzulayan şərhlər var. Təbii ki, problem yaşayacaqları üçün bunu üzümə deməyəcəklər, amma şərhlərdə istədiklərini deyirlər.
Həyat yoldaşımı, gələcək qızımı təhqir edirlər. Bu gün dünya ağırdır və siz onunla necə davranacağınızı bilməlisiniz. Uşağın ölməsini arzulamaq çox ciddi məsələdir. Qoy məni bir futbolçu kimi tənqid etsinlər, amma ailəm haqqında danışmasınlar. Qoy mənim haqqımda bir oyunçu kimi danışsınlar, amma insan kimi deyil”
Xatırladaq ki, Kanselo PSJ-nin cinah oyunçusu Usman Dembele üzərində cərimə meydançasında qayda pozmuşdu. Epizod matçın 59-cu dəqiqəsində baş verib.