Tuxel: "Qnabri "Real"a qarşı qol vuracaq"

"Bavariya"nın baş məşqçisi Tomas Tuxel komandanın cinah oyunçusu Serj Qnabrinin "Real Madrid"lə qarşıdakı matçda fərqlənə biləcəyinə əmindir.

90deqiqe.Az xəbər verir ki, alman çalışdırıcı bunun baş verəcəyini görəcəklərini bildirib.

" Serj Qnabri sabah qol vuracaq. Bu baş verəcək. Bunu hardan bildiyimi bilmirəm, amma bu baş verəcək”

Bu mövsüm 28 yaşlı futbolçu bütün turnirlərdə 17 matçda meydana çıxıb, 5 qol vurub və bir məhsuldar ötürmə edib. Aprelin 30-da Çempionlar Liqasının 1/2 final mərhələsinin "Bavariya" ilə "Real" arasında ilk görüşü baş tutacaq. Matçın başlaması üçün hakimin fiti Bakı vaxtı ilə saat 23:00-da səslənəcək.