Çempionlar Liqasında ilk finalçı bəlli oldu

UEFA Çempionlar Liqasında yarımfinal mərhələsinin cavab oyunlarına start verilib.

90deqiqe.Az xəbər verir ki, turnirin ilk finalçısı Parisdə müəyyənləşib. Birinci oyunda PSJ-yə 1:0 hesabı ilə qalib gələn Dortmund "Borussiya"sı "Parc des Princes" stadionundakı ikinci görüşdə də rəqibini məğlub edib - 1:0. Yeganə qolu 50-ci dəqiqədə Mats Hummels vurub.

Beləliklə, Dortmund təmsilçisi ümumi hesabda 2:0 hesablı qələbə ilə finala yüksəlib.

Qeyd edək ki, yarımfinal mərhələnin digər matçı mayın 8-də İspaniyada "Real Madrid" və Almaniyanın "Bavariya" komandaları arasında baş tutacaq.