Epik ÇL finalından 10 il keçir

24 may 2014-cü ildə, düz 10 il əvvəl UEFA Çempionlar Liqasının final mərhələsi tarixinin ən epik anlarından birinin şahidi olduq.

90deqiqe.Az xəbər verir ki, Lissabondakı oyunda "Real" Madrid "Atletiko"su ilə üz-üzə gəlib. 36-cı dəqiqədə "Atletiko"nun müdafiəçisi Dieqo Qodin hesabı açmış və Dieqo Simeonenin yetirmələri demək olar ki, bütün matç boyu liderliyini uğurla qorumuşdu.

Matçın 93-cü dəqiqəsində Luka Modriç künc zərbəsini yerinə yetirir və Serxio Ramos baş zərbəsi ilə hesabı bərabərləşdirir. Bu, bəlkə də, karyerasının ən böyük qolu oldu.

Bu qol “Atletiko”nun müqavimətini qırdı və əlavə vaxtda “Real Madrid” daha üç qol vurdu - Qaret Beyl, Marselo və Kriştianu Ronaldo fərqləndilər. 

"Real Madrid" "La Decima" kimi tanınan tarixi - onuncu Çempionlar Liqasının qalibi oldu.

Maraqlıdır ki, qol vuran futbolçulardan heç biri hazırda klubda çıxış etmir. Amma indiki kimi o vaxt da "Kral klubu" nun baş məşqçisi Karlo Ançelotti idi.