"Real Madrid"də ciddi itki - Çempionlar Liqasının finalını buraxacaq

"Real Madrid"in fransalı yarımmüdafiəçi Aurelien Tçuameni "Borussiya Dortmund"la Çempionlar Liqasının finalını buraxacaq.

90deqiqe.Az xəbər verir ki, bu barədə komandanın baş məşqçisi Karlo Ançelotti məlumat verib.

"O, finalda meydançaya çıxmayacaq, AVRO-2024-ə qədər diqqətini bərpa etməyə yönəldəcək", - deyə o bildirib. 

Xatırladaq ki, Tçuameni UEFA Çempionlar Liqasının 1/2 finalında "Bavariya" ilə cavab oyunundan (2:1) sonra sol ayağından zədələnib.

İspaniya nəhəngi UEFA Çempionlar Liqasının finalında Dortmund “Borussiya”sı ilə qarşılaşacaq. Görüş iyunun 1-də Londonda baş tutacaq.

Qeyd edək ki, bu mövsüm Aurelien 38 oyun keçirib, üç qol vurub və bir məhsuldar ötürmə edib.