"Ronaldo ÇL-sı tarixinin ən yaxşı oyunçusudur" - Beyl

"Real"ın sabiq vingeri Qaret Beyl Çempionlar Liqası tarixində hansı futbolçunun ən yaxşısı olduğunu açıqlayıb.

90deqiqe.Az 34 yaşlı sabiq futbolçunun fikirlərini təqdim edir.

“Çempionlar Liqası tarixinin ən yaxşı oyunçusu? "Qətiyyətlə deyə bilərəm ki, bu, Ronaldodur. Bu turnirdə oynamaq istədiyim oyunçular varmı? Dürüstcə desəm, yox. Fikrimcə, komandamız mükəmməl oyunçularla dolu idi”, - deyə uelsli hücumçunun sözlərini “Marca” yayıb.

Xatırladaq ki, Ronaldo Avropanın əsas klub turniri tarixinin bombardiridir. Çempionlar Liqasında 183 oyun keçirən portuqaliyalı hücumçu 140 qol vurub. Ronaldonun ən yaxın izləyicisi 163 görüşdə 129 qol vuran "Barselona"nın və PSJ-nin keçmiş hücumçusu Lionel Messidir.