Neymar: "Əlbəttə, Qızıl top onundur"

“Əl-Hilal”ın hücumçusu Neymar “Real Madrid”in cinah oyunçusu Vinisius Junioru “Qızıl top”a əsas namizəd hesab edib-etmədiyi sualını cavablandırıb.

90deqiqe.Az xəbər verir ki, bu barədə Neymar “Globo Esporte”yə müsahibəsində deyib.

“Əlbəttə, “Qızıl top” onundur. Ona həm finaldan əvvəl, həm də sonra yazdım. Mən bu oğlanı çox sevirəm. Futbolun mənə verdiyi böyük dost. O, mütləq “Qızıl top”u qazanacaq. Vinisius inanılmaz görünür, bayrağımızı bütün dünyada layqli tanıdır”, - braziliyalı forvard qeyd edib.

Bu mövsüm Vinisius 39 oyun keçirib, 24 qol vurub, 11 məhsuldar ötürmə edib. Braziliyalı "Real Madrid"lə birlikdə İspaniya çempionatının və Çempionlar Liqasının qalibi olub. Vinisius həm də avrokubokların ən yaxşı oyunçusu adına layiq görülüb.