Qarabağ və Vaqner UEFA-nın manşetində - FOTO

Qarabağ UEFA Çempionlar Liqasının ikinci təsnifat mərhələsi çərçivəsində “Dundalk”ı 3:0 hesabı ilə məğlub edərək UEFA-nın diqqət mərkəzinə düşməyi bacarıb.

Corner.az xəbər verir ki, “Dalğa Arena”da İrlandiya klubunu məğlub edən Ağdam təmsilçisi bu qələbəsi qitənini ali futbol qurumunun rəsmi saytının manşetində yer alıb. Sayt dünən gecə keçirilmiş oyunlar arasında “Qarabağ”ın matçını ön plana çəkərək bu görüşdən fotonu manşet yazısında (baş yazı) yerləşdirib.

Bundan başqa, Qarabağ'ın qapıçısı Vaqner da Silvanın şəkli UEFA Çempionlar Liqasının səhifəsində baş xəbərdə yerləşdirilib.

Qeyd edək ki, “Qarabağ” “Dundlak”ı mübarizədən kənərlaşdıraraq (1:1, 3:0) ÇL-də üçüncü mərhələyə yüksəlib. Bu mərhələdə Qurban Qurbanovun komandası Kiprin APOEL klubu ilə qarşılaşacaq. İlk matç avqustun 6-sı Nikosiyada, təkrar görüş avqustun 13-ü Bakıda keçiriləcək.