PSJ Mbappeyə olan borcuna görə ÇL-dan kənarlaşdırıla bilər

Fransanın PSJ klubu keçmiş oyunçusu, hazırda "Real Madrid"də oynayan Kilian Mbappe ilə ödəniş mübahisəsinə görə 2024/2025 Çempionlar Liqasından kənarlaşdırıla bilər.

90deqiqe.Az xəbər verir ki, bu barədə “Le Monde” nəşrinə istinadən məlumat yayıb.

Mbappenin Fransa Futbol Federasiyası vasitəsilə Fransa Liqası və UEFA-nın hüquq komissiyasına müraciət etdiyi və daha əvvəl çıxış etdiyi PSJ-dən köhnə müqaviləsi çərçivəsində 55 milyon avro təzminat ödəməsini tələb etdiyi daha əvvəl öyrənilib.

Mənbənin sözlərinə görə, Fransa Liqasının (LFP) bu məsələyə qarışması PSJ üçün fəlakət ola bilər, çünki qurum kluba transfer qadağası tətbiq etmək və UEFA lisenziyasını ləğv etmək səlahiyyətinə malikdir və bu, Çempionlar Liqasından dərhal kənarlaşdırılmaq deməkdir.

O, həmçinin qeyd edir ki, UEFA yarışlarında iştirak edən hər hansı bir klub lisenziyalaşdırma mövsümündən əvvəlki fevralın 28-dən gec olmayaraq işçilərinə ödənilməmiş əmək haqqının olmaması barədə sübut təqdim etməlidir.

Buna görə də PSJ UEFA-nın klub lisenziyası və maliyyə dayanıqlığı ilə bağlı qaydalarına əməl etmədiyi üçün 2024/2025 mövsümü üçün UEFA klub lisenziyasını itirə bilər.