“Liverpul"u məğlub etmək istəyirik” - Fonseka

"Milan"ın baş məşqçisi Paulo Fonseka Çempionlar Liqasının qrup mərhələsinin 1-ci turunda "Liverpul"la qarşıdakı ev oyunu haqda danışıb.

90deqiqe.Az xəbər verir ki, portuqaliyalı çalışdırıcı Mersisayd klubunu məğlub etməyi hədəflədiklərini bildirib.

“Liverpul" bu gün Avropanın ən yaxşı komandalarından biridir. Həm taktiki, həm də fərdi cəhətdən güclüdürlər və hər kəs öz oyunçularını çox yaxşı tanıyır. Qələbə gözləmək üçün qüsursuz müdafiə oynamalıyıq. Belə rəqiblərlə Çempionlar Liqası matçlarında istənilən səhv ölümcül ola və buraxılmış qola səbəb ola bilər. Etibarlı müdafiə qurmalıyıq ki, sonra hücumda şanslar yaradaq. “Liverpul" favoritdir? Biz bunu uzun müddət müzakirə edə bilərik, amma önəmli olan sözlər deyil, meydandakı hərəkətlərdir. Əsas olan daxili hisslərimizdir. Və biz özümüzü bacarıqlı hiss edirik və “Liverpul"u məğlub etmək istəyirik”, - Fonseka mətbuat konfransında deyib.