"Bavariya" ÇL-nın finalına çıxsa, əla olar"

"Bavariya"nın təcrübəli qapıçısı Manuel Noyer Çempionlar Liqasının qrup mərhələsinin qarşıdan gələn startından danışıb.

90deqiqe.Az-ın məlumatına görə, almaniyalı qolkiper UEFA-nın mətbuat xidmətinə bildirib ki, belə bir başlanğıc bütün komandalar üçün yenidir.

Qapıçı qeyd edib ki, “Bavariya” futbolçuları həqiqətən də Münhendə baş tutacaq turnirin finalına çıxmaq istəyirlər.

“Şəhərimizdə keçiriləcək finala yüksəlsək, çox gözəl olar. İlk matçda ev tapşırığını yaxşı yerinə yetirməlisən. Biz rəqibimizin bütün güclü və zəif tərəflərini bilirik"

Xatırladaq ki, ilk oyunda Münhen klubu Zaqreb “Dinamo”su ilə qarşılaşacaq. Bu görüşün gedişatını onlayn mətn yayımımızda izləyə bilərsiniz.