Bekker ÇL-nın yeni formatını tənqid etdi - “Heç kim oyunçulardan soruşmayıb”

"Liverpul"un qapıçısı Alisson Bekker Çempionlar Liqasının yeni formatını tənqid edib.

90deqiqe.Az-ın məlumatına görə, braziliyalı qolkiper "The Guardian"a bildirib ki, heç kim oyunçulardan Çempionlar Liqasının daha çox matçları barədə soruşmayıb.

“Qırmızılar”ın qapıçısı qeyd edib ki, bəlkə də futbolçuların fikirləri UEFA rəhbərləri üçün önəmli deyil.

“Hər kəs bundan bezdi. Biz başa düşürük ki, bəzi insanlar daha çox matç görmək istəyirlər, lakin bütün tərəfləri, o cümlədən oyunçuları dinləmək müdrik olardı. Sadəcə bizi dinləmək lazımdır”

Xatırladaq ki, bu mövsümdən Çempionlar Liqası yeni formatda keçiriləcək. "Liverpul" qrup mərhələsinin ilk turunda "Milan"la qarşılaşacaq.