Kənan Yıldız Çempionlar Liqasının tarixinə düşdü

“Yuventus”un hücumçusu Kənan Yıldız türk futbolçular arasında Çempionlar Liqasının rekordçusu olub.

90deqiqe.Az “Squawka”ya istinadən xəbər verir ki, Yıldız Çempionlar Liqası tarixində qol vuran ən gənc türk futbolçu olub. Hazırda Byankonerinin yüksələn ulduzunun 19 yaş 136 günlük yaşı var.

Tiaqo Mottanın yetirmələri ilk tur matçında Hollandiya PSV-yə qalib gəlib (3:1). Ümumilikdə futbolçu bütün yarışlarda “Yuventus”un əsas heyətində 37 oyunda 5 qol vurub və 3 məhsuldar ötürmə edib. Oktyabrın 2-də “qoca sinyora” Çempionlar Liqasının əsas mərhələsinin ikinci turunun oyunu üçün “RB Leyptsiq”in qonağı olacaq.