Sterlinq Çempionlar Liqasında rekorda imza atıb

“Arsenal”ın hücumçusu Rahim Sterlinq Çempionlar Liqasının “topçular”ı ilə İtaliya “Atalanta”sı arasında keçirilən matçda ikinci hissədə meydana çıxıb.

90deqiqe.Az xəbər verir ki, Sterlinq dörd fərqli klub üçün Çempionlar Liqası matçlarında meydana çıxan ilk ingilis futbolçu oldu.

Bundan əvvəl forvard “Liverpul”, “Mançester Siti” və London “Çelsi”sində Avropanın ən nüfuzlu klub turnirində çıxış etməyi bacarıb. Qeyd edək ki, "Arsenal" - "Atalanta" görüşü qolsuz bərabərliklə yekunlaşıb. Çempionlar Liqasının ikinci turunda Mikel Artetanın yetirmələri Fransanın PSJ-si ilə qarşılaşacaq.

Xatırladaq ki, Rahim Sterlinq bu yay "Çelsi"dən London klubunun düşərgəsinə keçib.