"Qələbə ilə başlamaq bizim üçün vacib idi"

“Atalanta”nın hücumçusu Mateo Reteqi Çempionlar Liqasının ümumi mərhələsinin “Arsenal" ilə oyununda buraxılan penaltidən danışıb.

90deqiqe.Az xəbər verir ki, 25 yaşlı forvard penaltini qaçırdığı üçün peşman olduğunu, lakin səhvlərindən dərs alacağını söyləyib. İtaliyalı oyunçu qeyd edib ki, bu matçı tez unudub bütün diqqəti növbəti oyuna yönəltməliyik.

“Penaltini buraxandan sonra bütün komanda məni dəstəkləməyə gəldi. Çox təəssüf edirəm, turnirə qələbə ilə başlamaq bizim üçün vacib idi”

Xatırladaq ki, "Atalanta" - "Arsenal" matçı qolsuz bərabərliklə yekunlaşıb. İkinci hissənin əvvəlində Reteqi penaltini qola çevirə bilməyib. Onun yerindən zərbəsini London klubunun qapıçısı David Raya dəf edib.